Lehiaketan Larrabetzun erroldatuek hartu ahalko dute parte, eta lanak urriaren 30era arte aurkeztu ahalko dira Anguleri kultur etxean. Gutun-azal handi batean lana eta gutun-azal txiki bat sartuko dira. Gutun-azal txikian egilearen izen-abizenak, helbidea, telefono-zenbakia, helbide elektronikoa eta lanaren lema zehaztuko dira. Bi gutun-azaletako kanpoaldean, bestalde, lanaren lema eta egilearen ezizena idatziko dira. Epaimahaiak lan batek ere deialdiaren baldintzak betetzen ez dituela erabakiz gero, saria eman gabe geratu liteke.
Larrabetzuko Udaleko Berdintasuna Batzordeak lehiaketa antolatu du indarkeriaren matxistaren kontrako irudia aukeratzeko. Irudia hurrengo neurri hauek dituen horma batean ipiniko da: sei metro zabalera eta 3,30 metro altuera. Horma-irudia auzolanean egingo da azaroan, eta, horregatik, irudia aukeratzeko orduan, epaimahaiak hauek hartuko ditu kontuan: kolore lauak eta lerro errazak. Irabazleak 200 euro jasoko ditu saritzat.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).