Itxialdia udaberrian izan zen, baina oraindik dugu hura gogoan. Larrabetzun kontaketa kolektiboa egin nahi izan dute itxialdiaren inguruan eta “Konfinamendu altxorrak” erakusketa jarri dute ikusgai Angulerin abenduaren 30era arte. Erakusketa arratsaldean, 17:30etik 19:30era bitartean, bisitatu daiteke. “Itxialdian, neurri handi batean, sormenari esker egin genuen aurrera”, esan dute antolatzaileek.
Erakusketa egiteko proposamena maiatzean egin zen Larrabetzuko Umeen Kontseiluan. Herritarrak izan dira sortzaileak eta nork ekarri duenari esker osatu dute erakusketa “Denok egin ditugu ezohiko gauzak, eta horiek hemen partekatzea hurbiltzeko aukera bat da, ezohikoa eta polita. Komunitatea modu berrietan eraikitzeko eta kontatzeko beharra dugulako. Hemen elkartu ditugu bildutako altxorrak, banakako zein taldekako kontakizunak”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).