Laburbira euskarazko film laburren zirkuitua ibiltaria da eta aurten 18. aldiz antolatu da. Zirkuituak 29 herri zeharkatuko ditu eta kalitate handiko zortzi lan ikusteko aukera emango du. Laburbira gaur hasi da Ordizian eta Larrabetzun amaituko da maiatzaren amaieran. Egitasmoa Euskaltzaleen Topaguneak antolatu du eta Larrabetzun Darabilgu elkartearen laguntza izan dute horretarako. Pandemiaren bilakaera dela eta, apirileko edizioa ixtean ezin izan da zehaztu saioa noiz eta non egingo den; hala ere, aurreratu dute saio horretan zuzendariekin solasaldian egoteko aukera egongo dela.
“Pandemiaren ondorioz, ikus-entzunezkoen grabaketa eta ekoizpen asko bertan behera gelditu ziren iaz. Nolanahi ere, badira kostata aurrera atera ziren lanak eta horiei oihartzuna emateko erantzukizuna dugu Laburbiran”, azaldu du Johana Olabarria egitasmoaren antolatzaileak. Zirkuitua osatzen duten film laburrak aukeratu dituzte “haien istorio eta kalitate nabarmenagatik eta jaialdietan izandako harreragatik”. Lanak hauek dira: Aterpean ateri (Ruben Crespo), Nigandik (Imanol G. Gurrutxaga), Game over (Ilune Diaz), Ilunabarrean esan (Ekhiñe Aizkorbe, Sara Alonso, Irati Egibar, Julene Etxauri, Xabier Villanina eta Irene Zaldua), Babarrun Txapelketa (Andoni Martinez de Madina eta Julen de la Serna), Datsegit (Aitor Arruti), Nire eguneroko maitea (Ximun Fuchs, Manex Fuchs, Eñaut Castagnet) eta Agur (Iñigo Acha).
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).