Kutxa Bira Larrabetzun

a: Idoia Andres 2021ko mai. 5a, 11:54

Lekeitio eta Larrabetzuren arteko ibilbidea egin zuen atzo Kutxa Birak. Harrera-ekitaldia egin zen plazan, eta larrabetzuarren mezua egurrezko kutxan sartu. Euskal Diaspora eta Euskal Herria batzeko, Kutxa Bira martxoaren 20an irten zen Viedma hiritik, Argentinatik, eta harrezkero herriz herri dabil euskaldunen aldarrikapenak eta desirak batzen. Amets Arzallus bertsolariak idatzitako Hitza da gure lurra testua ere herriz herri dabil kutxaren barruan. Egurrezko kutxak Larrabetzu eta Durangoren arteko ibilbidea egingo du gaur. Ibilbidea maiatzaren 30ean amaituko du Seguran. Kutxa Bira Iparra Hegoa elkartearen ekimena da.