Lehenengoa, “Gaur egungo basoen egoera ulertu” izenekoa, urtarrilaren 18an, 18:30ean, izango da Anguleri kultur etxean; eta bigarrena, “Gure baso-lurrentzat alternatibak irudikatzen”, otsailaren 3an, 18:30ean, Angulerin ere bai. Azkenik, otsailaren 12an, 09:00etan, bisita gidatua egingo da “lursail eredugarrietara”. Ekintzetan izena emateko, 944 557 009 telefono-zenbakira deitu behar da, edo udaletxera jo.
Bestalde, Larrabetzuko Udalak jakinarazi duenez, iaz 15.000 euroko funtsa ipini zen martxan lursail publikoak erosteko eta baso-politikako beste eredu bat garatu ahal izateko. “Hiru eskaintza daude mahai gainean eta laster egingo da erosteko txosten teknikoa”, idatzi du Iñigo Gaztelu alkateak Facebooken.