Hurrengo dirulaguntza hauek eskatu ahal dira: beharrizan ekonomikoak arintzeko, euskara ikasteko, kirol- eta kultura-elkarteak eta haien jarduerak bultzatzeko, putzu septikoak garbitzeko, termiten aurkako tratamenduak egiteko, tximiniak garbitzeko, 18 eta 35 urte bitarteko gazteek etxebizitza alokatu dezaten, eta lehen sektorea sustatzeko eta garatzeko.
Larrabetzuko Udalak jakinarazi duenez, atzo zabaldu zen 2022. urteari dagozkion udal-dirulaguntzak eskatzeko epea eta horrek apirilaren 16ra arte iraungo du. Eskabideak telematikoki aurkeztu beharko dira hemen dauden dokumentuak erabilita.