Gorka Ugalde Bizkaiko Garraio Partzuergoko gerenteak Larrabetzuko Udalari duela hilabete batzuk jakinarazi zionez, udalerria 2. tarifa-gunean ekinerako sartzekoa zen. Hala ere, aldaketa ez da oraindik egin eta Garraioa Irauli plataformak Garraioak eta Mugikortasun Jasangarria Sustatzeko sailaren aurrean elkarretaratzeko deia egin du biharko, ekainak 29. Bilbora autobusez joango dira (10:30ean) eta elkarretaratzea 11:15ean egingo dute; autobusez ere itzuliko dira Larrabetzura (12:20an).
Txorierriko udalerria den arren, Bizkaibuseko zerbitzuari dagokionez, Larrabetzu 3. tarifa-gunean dago, baina Txorierriko gainerako herriak eta Galdakao, berriz, 2. tarifa-gunean; beraz, larrabetzuarrek % 22-26 garestiago ordaintzen dute autobus-txartela. Ugaldek aurreko lerroetan aipatutako bileran azaldutakoaren arabera, Bizkaiko garraio publikoaren tarifikazio osoa aldatzeko asmoa dago eta bost eremu izan beharrean, hiru eremu egongo lirateke; ondorioz, Larrabetzu 2. tarifa-gunera pasatuko litzateke. Aldaketa ekainerako egitekoa zen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
