Aurten 1.704 erromesek egin dute lo Larrabetzuko aterpean

Larrabetzuko Udalak eta Bizkaiko Done Jakue Bidearen Borondatezko Zaintzaile Elkarteak jakinarazi dituzte erromesentzako aterpeari lotutako datuak. Horien arabera, aurten 1.704 erromesek egin dute lo Larrabetzuko aterpean. Larrabetzuko Udalak zehaztu duenez, aurten aurreko urteetan baino erromes gutxiagok erabili dute udal-instalazioa, “haientzako lekua txikiagoa izan daleko; zehatz-mehatz, erdia”.  

Azaldu moduan, erromes gehienak, 903, gizonezkoak izan dira, eta beste herri batzuetakoak etorritakoak, 1.222; batez ere Alemaniako, Frantziako eta Italiako biztanleak izan dira: 254, 214 eta 116 hurrenez hurren. Estatuko erromesei dagokienez, gehienak izan dira Kataluniakoak (133), Madrilgoak (80) eta Valentziakoak (65); Euskadiko herritarrak (38) eta Nafarrokoak (7) ere izan dira erromesen artean. Azkenik, erromes gehienak 18 urtetik 30era bitartekoak izan dira (463), eta 81 urtetik gorako lau erromesek lo egin dute Larrabetzun. Erromes gehienek abuztuan (422) eta irailean (331) erabili dute aterpea.    

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).