MPB zirkuitua Larrabetzun
Zapatuan, abenduak 24, eta 11:00etatik aurrera, MPB zirkuituko nesken gomazko paleta-partidak jokatuko dira Larrabetzuko frontoian. Bi partida izango dira: O. Zulaika eta Anitua, Lazkanoren eta Escribanoren aurka; eta Saez eta Arrizabalaga, Urgoitiren eta N. Zulaikaren kontra. Munduko Pilota Batzarrak antolatu du MPB zirkuitua. Larrabetzun, Olarreta pilota elkartearen eta udalaren laguntza izango du.