Postontziak erabili ahal izateko, herritarrek JomaBox aplikazioa deskargatu behar dute eta bertan izena eman. Ondoren, postontzia gehitu behar da aplikazioaren “Puntos Públicos” botoian sakatuta. Aplikazioak sarrailen QR kodeetako bat eskaneatzea eskatuko du. Horrela, aplikazioak erabiltzailea eta postontzia ezagutuko ditu. Harrezkero, paketeak jaso ahal izango dira. Horretarako, aukera bi daude: batetik, zuzenean entregatzea, hau da, banatzaileak paketea ekarri ondoren, jakinarazpen bat helduko zaio erabiltzaileari telefonora; bestetik, kode bat sortzea, garraiolariak deituko dio herritarrari paketea leku publikoan uzteko.
Bigarren aukera hautatuz gero, urrats hauek egin behar dira: bat, aukeratu leku publikoa, bertan paketea uzteko; bi, aukeratu buzoiaren neurria, eta garraiolariari eman aplikazioak emandako kodea eta postontziaren zenbakia; eta hiru, banatzaileak paketea banatu ondoren, “el paquete ha sido entregado” aukeran sakatu eta eskaera jasoko da.
Azkenik, paketea jasotzeko, aplikazioan sartu behar da. Postontziaren aurrean, “recoger” aukeran sakatu eta dagokion postontzira hurbildu telefonoa. Bluetooth-aren bidez, eskaerari esleitutako buzoia irekiko da. Paketea jasotakoan, atea behar bezala itxi behar da.