Domekan, martxoak 12, eta Martxoaren 8aren baitan, Emakume Artisauen Azoka egin zuten Larrabetzun. Zutunik! talde feministak antolatuta, azokaren helburua izan zen herriko emakume artisauen materiala eta sormen-lanak protagonista izatea. Baita giro herrikoia eta feminista sortzea ere. Plazan Larrabetzuko 12 emakume artisau batu ziren, eta kanpoko gonbidatu bat ere izan zuten.
Besteak beste, artisau-lan hauek eraman ziren azokara: oihalez egindako poltsak, kakorratz-lanak, hainbat materialez egindako belarritakoak eta zintzilikarioak, serigrafia eta ilustrazio transfeministak, koadroak, loreak eta paperezko eta egurrezko lanak. Antolatzaileek Urdaibaiko emakume artisau bat gonbidatu zuten azokan parte hartzera, eta horrek artilea lantzeko prozesua erakutsi zuen, eta produktuak salgai ipini.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).