Hori Bai Larrabetzuko gaztetxeak Gazte Eguna antolatu du uztailaren 29rako. Oso gutxi falta da, eta motorrak berotuz joateko, bideoa zabaldu dute gizarte-sareetan. Bertan, aurreko edizioetako momentuetako batzuk jaso dituzte. Bestalde, gogoratu uztailaren 23an amaituko dela herri-bazkarian izena emateko epea: horibaigaztetxea@gmail.com helbide elektronikora idatzi behar da.
Jaia goizean hasiko da, Kittu taldearen eskutik. Horiek Euskal Herriko gaurko eta betiko abestiak euren estilo propioan joko dituzte kalez kale. 15:00etan bazkaria izango da. 17:00etatik aurrera olinpiadak egingo dira eta horiek bukatzen direnean, 19:30ean, Sakatu elektrotxaranga kalejiran ibiliko da herritik.
Gauean, 22:15ean, ekitaldi labur bat egingo da eta ostean, 22:30etik aurrera, musikaren txanda izango da: Belako, Kaleko Urdanga eta Raimundo el Canastero Gainera, gauean dj batzuk arituko dira Hori Bai gaztetxean: Pantx Records, Denso eta Puñales.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).