Urtxintxa eskolarekin batera, Larrabetzuko Udalak astialdiko begiralea izateko ikastaroa antolatu du. Ikastaroan 18 urtetik gorako gazteek har dezakete parte, eta ezinbestekoa da euskara-maila ona izatea. Izena emateko azken eguna azaroaren 10a izango da, eta informazio gehiago eskuratzeko jo daiteke 944 320 445 telefono-zenbakira, eskola@urtxintxaeskola.eus helbide elektronikora eta www.urtxintxaeskola.eus webgunera.
Ikastaroa 2023ko azarotik 2024ko maiatzera izango da, eta 150 ordu teoriko eta 160 ordu praktiko izango ditu. Hamabi asteburutan, 16 gai ezberdin jorratuko dira: udalekuak eta kanpamenduak, lehen sorospenak, talde-dinamikak, parte-hartzea… Era berean, hiru egonaldi izango dira: bi aterpetxean eta bat kanpaldian.
Ikastaroak 450 euro balio ditu eta Larrabetzuko Udalak herrian erroldatutako ikasleei diruz lagunduko die, ikastaroa gainditzen dutenei matrikula erdia itzuliko zaie eta.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).