Ikastaroa 2023ko azarotik 2024ko maiatzera izango da, eta 150 ordu teoriko eta 160 ordu praktiko izango ditu. Hamabi asteburutan, 16 gai ezberdin jorratuko dira: udalekuak eta kanpamenduak, lehen sorospenak, talde-dinamikak, parte-hartzea… Era berean, hiru egonaldi izango dira: bi aterpetxean eta bat kanpaldian.
Ikastaroak 450 euro balio ditu eta Larrabetzuko Udalak herrian erroldatutako ikasleei diruz lagunduko die, ikastaroa gainditzen dutenei matrikula erdia itzuliko zaie eta.