Lekueren esanetan, “ekipazoa” osatu dute eta azpimarratu du “giro ona eta lan egiteko gogoa” dutela. Era berean, Gazteluri eskertu dio irakatsitakoa eta etapa berrian zortea opa izan dio. “Fase berri honi ahalik eta umore onenarekin baina seriotasun osoz egingo diot aurre. Entzumen-errezeptoreak zabalik, eta ondokoak ahalik eta ondoen jagonez. Etxekoei eta alkatetzara “erdi osorik” ailegatzen lagundu diotenei ere eman dizkio eskerrak, eta esan du espero duela “agintaldia Larrabetzuko alkatea izateaz harro amaitzea”.
Amaia Lekue Mezo (EH Bildu) da Larrabetzuko alkate berria. Alkate-kargua hartzeko osoko bilkura atzo, martxoak 12, izan zen. Lekuek Iñigo Gaztelu ordezkatu du karguan, zeinak urtarrilean jakinarazi baitzuen alkatea izateari utziko ziola. Atzoko osoko bilkuran ere ongietorria eman zioten zinegotzi berriari, Mari Aiartzari. Hortaz, bakarrik emakumeek osatutako lehen udal-gobernua eratu da Larrabetzun.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).