Ohikoa denez, maiatzaren lehen domekan Bizkargi Eguna ospatzen da eta bertan omenaldia egiten zaie 1937an faxistei aurre egin zieten gudariei. Hortaz, atzo, maiatzak 5, jendetza handia batu zen mendi tontorrean, gudariak gogora ekartzeko. Bizkargi Gogoratuz elkarteak antolatuta, hainbat ekintza izan ziren goizean, hala nola omenaldi-ekitaldia, Bizkargi Larrabetzuko dantza-taldearen emanaldia eta Etxahun Lekue, Onintza Enbeita eta Xabier Arriaga Txiplas bertsolarien saioa.
Horrezaz gainera, Aranzadi Zientzia Elkartea Zornotzako hilerrian egiten dabilen lana jendaurrean aurkeztu zen, eta erromeria egon zen Kittu taldearen eskutik. Ospakizunak Larrabetzun jarraitu zuen arratsaldean, besteak beste, ekitaldia eta erromeria izan ziren. Beste alde batetik, Ernaik ere ekintzak antolatu zituen bezperako, esaterako, tontorrera igotzea, mahaingurua, bazkaria eta kontzertua.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).