Bestalde, egunean zehar hainbat material izango da Aretxabala tabernaren aurrean salgai, eta kutxa bat ere ipiniko da dohaintzak jasotzeko. Ernaik azaldu duenez, apirilean jasotako isun bakoitzeko helegite bat aurkeztu dituzte; guztira, 133 helegite. “Eusko Jaurlaritzaren arbitrariotasuna eta gehiegizko jokaera salatzeko, eta gizarte-mugimenduaren aurka darabilen jazarpen-estrategiaren aurrean kontsentsu zabalak eraikitzeko eta bide hura amaitzeko”. Prozesu judiziala azaroaren 28an hasiko da, lehen epaiketa egingo da eta.
Elkartasun-jaialdia antolatu du Ernaik barikurako Larrabetzun
Ernaik elkartasun-jaialdia antolatu du barikurako, azaroak 22, “Eusko Jaurlaritzak ezarritako 290.500 euroko isunari aurre egiteko eta jazarpen politikoa salatzeko”, adierazi dute. Jaialdia Larrabetzuko Hori Bai gaztetxean izango da eta 20:30ean hasiko da. Lehenengo eta behin, asanblada informatiboa egongo da, eta zehaztuko dituzte prozesu judizialaren nondik norakoak eta herritarrek nola lagundu dezaketen. Ondoren, 22:00etan, kontzertuak izango dira: Mikosis, Aramu eta Dj Bizkargi.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).