Ganaduaren hobekuntza genetikoari buruzko formakuntza-ikastaroa Larrabetzun

Formakuntza-ikastaroa Estramineak, Larrabetzuko ganaduzale eta landa-eremuko elkarteak, antolatu du, eta barikuan, abenduak 13, izango da ludotekan, 19:00etatik 20:30era. Ikastaroa Peru Lopez de Muniainek gidatuko du. Albaitaria izateaz gainera, Lopez de Muniain Derioko Nekazaritzako Eskolako irakasle ohia da, eta Karrantzan zein LORRAko kooperatiban ibili da hobekuntza genetikoan. Ikastaroan parte hartzeko, mezua bidali behar da 619 625 798 telefono-zenbakira.