Gaur, 18:00etatik 20:00etara, “Erasotzaileekin zer? Justizia feminista herritik eraikitzen” hitzaldia izango da Anguleri kultur Etxean, Emagin elkartearen eskutik. Otsailaren 25ean, bestalde, Josebe Iturrioz transfeminismoaz eta feminismo baztertzaileaz arituko da, 18:30etik aurrera, Ludoteka gaineko aretoan. Era berean, martxoaren 21ean, “Lodifobia eta gorputz disidenteak” hitzaldia egingo du Mijo Lizarzaburuk. Saioa 18:30ean izango da.
Beste alde batetik, apirilean Inurri Elkarteak minbizia dutenei nola lagundu aztertuko du ikuspuntu feminista batetik, eta eskolako saioei amaiera emateko, apirilaren 29an, 19:00etan, umore-ikuskizuna egongo da Ane Lindanerekin.
Umeak zaintzeko zerbitzua egongo da, eta hura eskatzeko zein ikastaroetan izena emateko, zutuniktaldefeminista@gmail.com helbide elektronikora idatzi behar da. Anguleri kultur etxera ere jo daiteke.