Gaztetan mugimendu internazionalistan hasi zen Martinez, eta, ordutik, hainbat arlotan lanean jardun zuen: besteak beste, Joxemi Zumalabe eta Iratzar fundazioetan, Sare Herritarrean eta Larrabetzuko Gurpide nekazarien eta kontsumitzaileen elkartean. EHUko soziologia irakaslea zen.
Hain zuzen ere, Larrabetzuko EH Bildutik, etxekoei doluminak helarazi dizkiete: “Zesarrek arazoak aukera ere izan daitezkeela irakatsi zigun, herri berekoen artean begirunea eta enpatia gailendu behar direla eta herrigintza dela gure iparrorratza. Horrenbeste maite zuen lurrak gozo har dezala”.