Bizkaiko Eskolarteko bertso idatzien finalak eta bat-bateko finala jokatu ziren Aulestiko frontoian. Eskolarteko txapelketa Ikastolen Elkarteak eta Bertsozale Elkarteak antolatzen dute elkarlanean. Ia 200 gazte batu ziren DBH eta batxilergoko idatzizko finala jokatzeko. Apirilean eta maiatzean herri eta eskualdeetan egin zituzten aurrekanporaketak.