Tropelak ia 89 kilometroko ibilbideari egin beharko dio aurre. Hain zuzen ere, 17,3 kilometroko ibilbideari 5 itzuli eman beharko diete. Zornotzarako errepidea hartuko dute, Boroatik igoko dira eta Belarrinagatik itzuliko dira Larrabetzura arte.
Zapatuan, irailak 12, lehiatuko dute junior mailako Bizkaiko Kopako lasterketa. Mikel Artetxe Txirrindulari Zaleak taldeak antolatu du. 16:00etan aterako dira Larrabetzuko plazatik eta 18:15erako aurreikusten dute helmugara heltzea.