Lezamako Udalak lankidetza-hitzarmena sinatu dau Behar Bidasoa Gobernuz Kanpoko Erakundeagaz (GKE). Udalak diru-partida aginduko dau urtero Pereirara (Kolonbia), Ahizpa Pasiotarrek Garapen Poloan daben proiektuei laguntzeko. Aurten 7.000 euro emango dabez eta diruaren zatirik haundiena Emakumearen Gaitasun Zentrora zuzenduko da. Ahizpa Pasiotarrek zentro horretan iminitako egitasmoen artean, honeek aitatu daikeguz: jantokia, emakumeentzako gaitasun tailerrak, liburutegia, haurtzaindegia, ekitaldi-aretoa eta aholkularitza zerbitzua. Proiektuek helburu bikotxa dabez: alde batetik, bertako herritarrak euren beharretik bizi ahal izatea, eta bestetik, bizimodu duina euki dagien.