Lezamako Udalak lanak amaitu berri ditu Kurutze auzoan. Alde batetik, 40 autorentzako lekua atondu du ermita ondoko landan; horietako bi mugikortasun murriztua duten lagunei daude zuzenduta. Bestetik, erabilera anitzeko kirol azpiegitura eraiki du, eta han aukera dago areto-futbolean zein eskubaloian aritzeko. Zelaia 40 metro luze da eta 20 metro zabal. Abuztuan hesiak ipiniko dira zelaian eta azpiegituraren inguruan atontze lanak egingo dira; argiztapena, tartean.