Kopak eta txartelak salgai egongo dira udal postuan: kopa eta hiru txartel, sei euro; hiru txartel, lau euro).
Goizean zehar musika eta umeentzako tailerrak eta puzgarriak egongo dira. Kurutze dantza taldea kalejiran aterako da 11:30ean eta ondoren, agerraldia eskainiko du frontoian. Eguerdiko 12:30etik aurrera txerri-saiheski pintxoak dastatzeko aukera egongo da.
Azokari 13:00etan emango diote hasiera ofiziala. Kortxoa atera, brindisa egin eta Lezamako txakolinaren enbaxadorea izendatuko dute. Aurten Jagoba Zallo izango da. Horrezaz gainera, oroitzapenezko plaka emango diote Larrabe txakolinari eta ekitaldia eskainiko du Ekidazu abesbatzak. Arratsaldeko 15:00etatik 17:00etara berbena egongo da plazan, Urrats taldearen eskutik.