Elurretara, Gailur mendi taldearekin

Elurretara, Gailur mendi taldearekin

Lezamako mendi taldeak irteera bi antolatu ditu otsailerako elurretara. Hilaren 17an, Lunadara joango dira eskolako umeekin eta gurasoekin. Hitzordua 08:30ean ipini dute eskolan, eta, esan duten moduan, edozein tresna eraman daiteke elurrarekin gozatzeko: lerak, plastikoak… 

Izena ematea lehenbailehen egin behar da: gailurmt@outlook.com.

Bestetik, otsailaren 23an, elur-erraketak jantzi, eta ibilbidea egingo dute. Oraindik ez dute erabaki nora joango diren; adierazi dute hori irteera baino egun batzuk lehenago egingo dutela, dagoen elurraren arabera. Nolanahi ere, eskertuko dute izen-ematea denboraz egitea, horrela joan-etorria eta elur-erraketen alokairua modu egokian kudeatu ahalko dituzte eta.