Zuzendaritza-batzordeak adierazi duenez, klubak Josu Urrutiaren proiektu nagusietako bat berrartu du, eta gizonezkoen lehen talderako eraikin berria egiteko lanak esleitzeko izapideak hasi ditu. Eraikina Lezamako instalazioetako alderik garaienean altxatuko da.
Azpiegitura berria bakarrik gizonezkoen lehen taldeko jokalariek erabiliko dute, eta, besteak beste, hauek atonduko dira bertan: aldagelak, gimnasioa, bideo-gela, jantokia eta atsedena hartzeko logelak. Eraikinak bere bidea izango du hara sartzeko eta handik irteteko, eta ez du biderik partekatuko gainerako instalazioekin.
Proiektua Urrutiak sustatutako Lezamako Plan Nagusiaren barruan egon zen, eta gelditu zen Euskal Autonomia Erkidegoko Justizia Auzitegi Nagusiak herriko hirigintza-antolamenduko plana geldiarazi zuenean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
