Kubako iraultza ekarriko dute gogora “Azken barikuak” ekimenaren udako azken kontzertuan

Kubako iraultzak 60 urte beteko ditu uztailaren 26an, eta, urteurrenaren harira, Oxangoiti Lezamako elkarteak kontzertu berezia antolatu du egun horretarako. Gainera, kontzertu hori “Azken barikuak” musika-ekimenaren udako azken emanaldia izango da. Orlis Pineda bakarlari kubatarrak musika-saioa eskainiko du 20:00etan, Oxangoiti tabernan. Kontzertuaren ostean, eta Kubako musikak girotuta, mojitoak dastatzeko aukera egongo da.

Bestalde, uztailaren 22tik 28ra bitartean “Kuba: Iraultza Sexu-Anitza” erakusketa egongo da tabernan, Euskadi-Cuba elkartearen eskutik. “Azken barikuak” kontzertu-saila irailaren azken barikua itzuliko da.