Musika zainetan eta azalean daraman abeslariak (“Musika Jainkoa da” jartzen duen tatuajea darama besoan) musika komunikazio erreminta polita dela adierazi du MondoSonoro aldizkarian. 2016an Doca Cat, Kali Uchis, Abra edo Sabrina Claudio artistak deskubritu zituen, eta aurrerago Mahaila, Jorja Smith IAMDDB eta Willow bezalako artisten lanak ezagutu ditu, betiereko Michael Jackson edota Bob Marley klasiko eztabaidezinak ahaztu barik. Youtube eta SoundCloud plataformetan artista gogokoen abestiak autoeditazten eta abesti propioak eskegitzen hasi zen Hakima.
Urte biko kontuan, 2018an, Vuelo izeneko singlea kaleratu zuen eta urte bereko apirilean Gaztea Maketa Lehiaketako 27. edizioa irabazi zuen Flissik eta hortik Factor X talent showera salto egin zuen, eta Ristoren errespetua atzeman zuela kontatu zigun. Urtea bukatzeko El Eco del Recuerdo izeneko lehen EPa argitaratu zuen eta Euskal Herriko jaialdi nagusi biren agertokietan abestu zuen: BBK Live eta Bime Live.