“Argi daukagu ez dela ez gertakari isolatua, ez pertsonala; ezta etxeko arazoa ere. Jendartean indarrean dagoen sistema patriarkalean oinarritutako indarkeria da; edozein emakumek sufritu ahal duen arazoa da, eta, zoritzarrez, askok emakume izate hutsagatik jasaten dute”, esan zuten Moreak taldekoek. “Modu normalizatuan eta hainbat eratan gertatzen den indarkeria da, gizartearen eredu sexista eta emakumeen eta gizonen arteko harreman ez parekideak bultzatzeko. Horrek jendartearen salaketa eta gaitzespen irmoa behar du, jarrera matxista bortitzak errepikatu ez daitezen”. Horri lotuta, azpimarratu zuten emakume lezamarren ausardia, erasoa salatu zuen eta.
Bestalde, aldarrikatu zuten erasotua babestu barik erasotzailea kontrolatu behar dela. “Horrela, aukera gehiago dago erasotzailea kontrolatzen dela ziurtatzeko eta erasotuaren bizitza normalizatzeko, azken horri mugak eta kontrolak ipini gabe. Nazkatuta gaude; ez dugu erasotzailerik nahi ez gure herrian, ez inon”.