Lanei dagokienez, lurrak hondeatu dira igogailuen behealdeko zuloak egiteko eta hobiaren euste-hormak eta zimendatzeak eraikitzeko. Bestalde, igogailu panoramikoek zortzi lagunentzako lekua (630 kg) izango dute, telefono bidezko konexioa eta bideozaintza-sistema. Igogailuen ondoko eskailerak 12 metro luze den igarobideak lotzen ditu. Horrela lortzen da “trenbideak gainditzea eta nasa biak geltokiaren kanpoaldetik modu irisgarrian lotzea. Auzotarren mugikortasuna ere hobetzen da”, azaldu dute. Igarobidea gauez argiztatuko da. Lehen zegoen lur azpiko pasabidea puntu beltza zen eta, gainera, mugikortasun urria duten pertsonek ez zuten erabiltzen. Hura kentzeko, betelanak egin dira. Lanek 446.000 euroko aurrekontua izan dute.
Eusko Trenbide Sareak (ETS) atzo zabaldu zuen Kurtzeko geltokiko trenbide gaineko oinezkoentzako igarobidea Lezaman. Orain arte geltokiaren kanpoaldetik zihoan lur azpiko igarobidea baino ez da egon, eta, irisgarritasuna hobetzeaz gainera, azpiegitura berriari esker sarbide zuzena egongo da nasa biren artean. Igarobidea ez ezik igogailuak ere aurreikusi ziren Kurtzeko geltokiaren lanetan; ETSk jakinarazi duenez, igogailuak martxoaren amaieran ipintzea espero dute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).