Lezamatik Tokiora

Xabi Solano Maizak Trikitixa Liburua III argitaratu berri du, eta horrekin amaitu da 2014an abiatu zen trilogia. Niretzat ohorea izan da horrenbeste miresten dudan lagunaren liburuak argazkiz janztea. Izan ere, partiturez gainera, 2013. urtetik 2020. urtera bitartean nik egindako ehunaka argazki daude liburuen barnean. Zazpi urtean 200 bat emanaldi izan dira Esne Beltza musika-taldearekin eta Xabiren beste proiektu batzuekin: Hernanitik Bartzelonara, Leitzatik Gandiara, Lezamatik Tokiora… Milaka kilometro eta esperientzia, tartean.

 

Musikazaleek badakizue Solanok Txorierrirekin lotura zuzena duela eta sarritan gurean izan dela. Gainera, Erre Zenituzten arrakastatsua Larrabetzun egin genuen. Beraz, espero dut laster berriz ere Txorierrin bere musikaz zuzenean gozatu ahal izatea. Bien bitartean, bere kanta ezagunenak ikasi nahi izanez gero, liburuetan aurkituko duzue nola. Aupa trikitia! 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).