Basque Team Zentroa Faduran dago, Getxon, eta laster eraikina berritzeko lanak hasiko dira; beraz, bertan bizi diren kirolari bekadunek beste leku batera joan behar izan dute aldi baterako. Basque Teamen esanetan, Athleticen egoitza oso leku aproposa da kirolari gazteak hartzeko, “Lezaman hazten diren beheko mailetako futbolarien beharrizanekin bateragarriak diren gelak eta zerbitzuak baititu”.
Athletic Club eta Basque team erakundeek hitzarmena sinatu dute, kirolari bekadun batzuk talde zuri-gorriaren Lezamako egoitzan bizitzeko. Lehenengo eta behin, hauek sartu dira Lezaman: Odei Jainaga xabalina jaurtitzailea eta Hamid Ben Daoud maratoilaria, Hassan Redad bere entrenatzaileak lagunduta. Urtarrilaren 10etik aurrera, lau surflarik hartuko dute ostatu Txorierrin: Ariane Ochoa, Janire Gonzalez Etxabarri, Ruben Vitoria eta Bitor Garitaonandia. “Denak dira izarrak, tartanean, asfaltoan eta uretan, eta ziur laster emaitza arrakastatsuak lortuko dituztela”, esan dute prentsa-oharrean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).