Azaldu dutenez, Athletic Clubek akordioa lortu du Basque Teamekin, fundazioaren beka jasotzen duten kirolarietako batzuk harrobi zuri-gorriaren egoitzan hartzeko. Izan ere, Basque Teamek Faduran duen egoitza laster birmoldatuko dute, eta kirolariak aldi baterako birkokatu behar dira. “Athletic Club da Basque Teamen laguntzaile nagusietako bat eta, ondorioz, sentikor da Basque Teamen beharrizanekiko”. Esan duten moduan, Lezaman lekua eta zerbitzuak dituzte beheko mailetako futbolarien zein Basque Teameko kirolarien beharrizanei erantzuna emateko.
Bestalde, Odei Jainaga xabalinista eta Hamid Ben Daoud maratoilaria joan den astean sartu ziren Athleticek Lezaman duen egoitza berrian.