Era berean, gazte mailan, Josu Labaka eta Iker Egiguren azpeitiarrek 22 eta 19 irabazi zieten Unai Amiano eta Iker Garcia tolosarrei. Laurek maila altua erakutsi zuten: atzelariek ez zuten akats handirik egin; eta aurrelariek tanto dotoreak egin zituzten. Amiano onena izan zen; garaipena, ordea, azpeitiarrek lortu zuten.
Barikuan, Lezamako Eskualde Txapelketaren azken jardunaldia jokatu zen. Lehenengo mailan, Oier Hormaetxe lezamarrak txapelketatik kanpo gelditu zen. Hormaetxek Javier Cuairan iruñarrarekin osatu zuen bikotea, eta 22 eta 18 galdu zuten Julen Alberdi eta Martxel Iztueta tolosarren aurka. Pilotariek lehia bizia erakutsi zuten, markagailuan aldaketez beteta. Lezamarra ondo aritu zen, baita Alberdi ere, baina Cuairanek akats batzuk egin zituen partidaren azken zatian.