Gainera, barikuan, beste partida bat ere jokatuko da, lehen mailako final-laurdenetako azkena, alegia. Labaka eta Alberdi nor baino nor sartuko dira lehian Hormaetxe lezamarraren aurka. Bere bikotea, Morgaetxebarria, gaixorik dago eta ziur asko, Coiranek jokatuko du lezamarrarekin batera. Partida horren irabazleek Espinalen eta Alduntziren kontra jokatuko dute hurrengo astean. Beste finalerdia, gazte mailakoa, hau izango da: Egiguren-Labaka Vs. Irribarria-Eskuza. Finala otsailaren 18an izango da Lezaman.
Barikuan, Lezamako Eskualde Txapelketaren azken jardunaldia jokatu zen. Partida bakarra egin zen: Irribarriak eta Eskuzak argi eta garbi irabazi zieten Bilbaori eta Bulloni, 22 eta 7. Bi bikoteen arteko aldea nabarmena izan zen eta irabazleek agerian utzi zuten etorkizun handiko pilotariak direla. Bariku honetan, otsailaren 4an, txapelketaren finalerdiak jokatzen hasiko dira: lehenengo mailan, de la Fuente eta Sarasa Alberdiren eta Iztuetaren kontra arituko dira; eta gazte mailan, Zubizarreta eta Bernaola, Garairen eta Peñalverren kontra.