Txakolinaren Eguna Hilario Astorki plazan egingo da 11:00etatik 15:00etara. Bizkaiko Txakolinaren 2021eko uzta dastatzeaz gainera, hainbat kultur emanaldi egongo dira. Aurkezle Pedro Mari Goikoetxea kazetaria ibiliko da. Kurutze dantza taldeko haurrek dantzen agerraldia egingo dute Euskaldun Berria plazan, eta 13:00etan azoka ofizialki hasiko da, uzta berriari kortxoa kenduko zaio eta topa egingo da. Gainera, Asier Dañobeitia sommelierra izango da bertan, eta azokako ardoak dastatu ondoren azalduko ditu haien ezaugarriak. Antolatzaileek Jose Angel Iribar Athletic Clubeko atezain ohia izendatuko dute Lezamako Txakolinaren enbaxadore aurten. Ondoren, emanaldia egingo du Ekidazu abesbatzak.
Bestalde, umeentzako tailerrak izango dira goizean, eta Jon Enbeitaren eta Ireneo Ajuriaren bertso-saioa. Egunari amaiera emateko, erromeria egongo da 14:30etik 17:00etara Joxe Mendizabalen eskutik.