Hauek dira Lezamako pilotariak: kadete mailan, Aiala eta Adrian Uriarte; gazte mailan, Bittor Iruretagoiena eta Aimar Busquet; eta senior mailan, Oier Hormaetxe eta Edorta Bilbao. “Iazko talde antzeko bat dugu eta itxaropentsu gabiltza. Hala ere, Oier Hormaetxek min hartu du klabikulan eta ziur asko ezin izango du jokatu. Oier jokalari garrantzitsua da eta berak jokatuko ez duenez, Markina da faboritoa”, esan dute Lezamako Pilota Klubaren arduradunek. “Bi urte jarraian heldu gara finala eta poz-pozik gabiltza”.
Finalerdian, lezamarrek Zeanuri hartu zuten mendean. 2 eta 1 irabazi zuten Lezaman; eta 3 eta 0, Arratian. Iaz, Lezama Bizkaiko txapelketaren finalista ere izan zen, noren kontra eta Markinaren kontra, hain zuzen ere. 2021ean, lezamarrek Bizkaiko txapela jantzi zuten.