Guztira dozena bat lan aurkeztu dira lehiaketara, eta haien artean Karmele Mitxelenak idatzitakoa aukeratu du epaimahaiak. Hori hauek osatu dute: Maribel Aiertzak, Leire Bilbaok eta Xabier Mendigurenek. Lezamako Udalak eta Elkar argitaletxeak antolatzen dute Mikel Zarate saria, euskal kulturaren sortzaile eta bultzagile lezamarraren omenez. Aurtengoa 12. edizioa izan da.
Karmele Mitxelena Etxebeste Oiartzunen jaio zen 1988an. Irakasletza eta Haur Hezkuntzako gradua ikasi zuen eta gaur egun irakasle dabil. Horrezaz gainera, hainbat sari irabazi ditu bai bertsolaritzan (bertso idatzietan batik bat), bai narratiban. 2019an Erakusleihoan album ilustratua argitaratu zuen (Peru Abarka saria).