Urte batzuk dira Txorierriko zenbait herritan Arimen Gaua edo Gau Beltza ospatzen dela. Aurten, Zorrizketan euskara elkartearen eta udalaren eskutik, Lezaman ere ospatuko da urriaren 31n. Arratsaldeko 6etan prestaketa-lanei ekingo diete plazan, eta 19:00etik aurrera ginkana egongo da herrian zehar. Gaua amaitzeko, nork bere beldurrak erreko ditu, eta sariak banatuko dira. Bestalde, astelehenean, hilak 24, Gau Beltza ospatzeko prestatze-lanak hasiko dituzte, besteak beste, ludotekan eta gaztegunean. Karetak, mozorroak eta kalabazak egingo dituzte.