Bihar, abenduak 3, Euskararen Nazioarteko Eguna da. Txorierritarrok Lezaman ospatzen gabiltza aurten, eta astean zehar ekintzak egon dira umeentzat eta gaztetxoentzat. Txorierriko Zerbitzuen Mankomunitateak eta Zorrizketan euskara elkarteak antolatuta, gaur arratsaldean eta bihar egun osoan hainbat ekintza izango ditugu Lezaman, euskaraz gozatzeko eta egiteko.
Horrela, eta gaur Euskaraldia amaitzen dela baliatuta, hizkuntza-ohiturak aldatzeko ariketari lotutako ekitaldia egingo da 19:15ean, frontoian, eta 20:30ean Neomak taldearen musika-ikuskizuna izango da. Bihar, 10:30etik aurrera erraldoiek girotutako diana eta euskal jaia egingo dira, eta arratsaldean, 18:00etan, euskal dj-a izango da, familiak dantzatu daitezen. Barrexerka taldearen eskutik, gazteentzako umorezko saioa egongo da 19:00etan, eta egunari amaiera bikaina emateko, Zirikinik Bez taldearen erromeria, 21:00etik aurrera.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).