Zapatuan pumptrack pista inauguratuko dute Lezaman

Lezamako Udalak pumptrack pista egin du frontoiaren atzeko aparkalekuaren ondoan, eta, jakinarazi duen moduan, hura zapatuan, urtarrilak 7, inauguratuko da. Inaugurazio-ekitaldia Zorribike KT elkartearekin batera antolatu du udalak, eta 11:30ean hasiko da. “Udalak herria eta herritarren bizi-kalitatea hobetzearen aldeko ekintzekin jarraitzen du, kasu honetan aisialdirako aukera berri bat eskainita”, adierazi dute prentsa-ohar batean. Pistaren eraikitze-lanetan 118.580 euro jarri ditu udalak, eta Bizkaiko Foru Aldundiak 50.893 euroko dirulaguntza eman dio horretarako.