Bestetik, gazte mailan, Apezetxea goizuetarrak eta Peñalver lizarratarrak lortu zuten garaipena, 22 eta 4, Balerdiren eta Telleriaren kontra. Apezetxea jaun eta jabe ibili zen partidan; baita Peñalver ere, hau da, ez zieten arerioei irabazteko aukerarik eman, eta argi eta garbi adierazi zuten txapelketa irabazteko hautagai nagusietakoak direla.
Lezamako Eskualdeko Pilota Txapelketak astebete eman zuen geldirik, baina lehengo barikuan beste jardunaldi bat egin zen. Lehenengo Mailan, Egiguren eta Elosegi azpeitiarrek 22 eta 10 irabazi zieten Mendizabal III. antzuolarrari eta Balerdi soraluzetarrari. Egigurenek hasiera bikaina egin zuen eta horri esker, azpeitiarrek aurrea hartu zuten. Mendizabal III.aren errendimenduak, ordea, hobera egin zuen eta partida parekatu zen, baina ez zen nahikoa izan eta azkenean Egiguren eta Elosegi nagusitu ziren.