Zubizarreta eta Cuairan arazo barik nagusitu ziren Lezaman

Barikuan, urtarrilak 27, Lezamako Eskualde Txapelketaren final-laurdenetako hirugarren saioa egin zen. Lehen mailan, Zubizarreta (Lazkao) eta Cuairan (Erreka) arazo barik nagusitu ziren Ojuelen (Hernani) eta Arangurenen (Errenteria) kontra, 22 eta 3 irabazi zien eta. Azpimarratu beharra dago Zubizarretak tantuetako asko egin zituela. Bestalde, promesa mailako partida oso parekatua izan zen. Azkenean, Iglesiasek (Zaratamo) eta Garañok (Ultzama) 22 eta 18 irabazi zioten Larari (Errioxa) eta Bernaolari (Munitibar).