Bestalde, hurrengo egunerako, martxoak 4, bertso-saio feminista antolatu du Moreak Lezamako talde feministarekin batera. Saioa 12:30ean, izango da Kultura Aretoan eta hauek ibiliko dira bat-batean: Onintze Enbeita, Oihane Bartra eta Josune Aramendi. Martxoaren 8an, 19:00etan, elkarretaratzea egingo dute Hilari Astorki plazan, eta martxoaren 24an, 17:00etatik 24ra, Berdintasunaren Aldeko Eguna ospatuko dute Gaztelekuan.
Emakumeei eta kirol profesionalari buruzko mahai-ingurua Lezaman
Martxoaren 8aren harira, Lezamako Udalak hainbat ekintza antolatu ditu datozen egunetarako. Lehena bihar, martxoak 3, izango da 18:30ean, Kultura aretoan: “La mujer y el deporte profesional: reconocimiento e igualdad” mahai-ingurua. Bertan parte hartuko dute Olatz Arrizabalaga pilotariak, Ana Astobieta futbolari ohiak, Rosó Buch saskibaloi-jokalariak, Karmele Gisasola herri-kirolariak eta Ainhoa Tirapu futbolariak. Moderatzailea izango da Goizane Gernika kazetariak.