Lezamako Udalak jakinarazi duenez, Elorritxuetako (Vivero) errepidea asfaltatzeko lanak amaitu dira eta errepidea zabalik dago trafikorako. “Epe laburrean bideak dituen markak ere margoztuko dira”, idatzi dute gizarte-sareetan. Frantziako Tourreko etapa bat handik pasatuko da uztailaren 1ean, eta Lezamako Udalak eta Bizkaiko Foru Aldundiak hitzarmena sinatu zuten errepidea konpontzeko. Aldundiak 693.185,36 euro ipini ditu bertan asfaltatze- eta margotze-lanak egiteko.