Eguraldia lagun, atzo, ekainak 4, jendetza handia hurbildu zen Lezamara, Txakolinaren Egunaz gozatzera. Bertan, herriko lau upategietako txakolina dastatzeko aukera egon zen: Basalbeiti, Erdikoetxe, Garkalde eta Magalarte. Guztira 920 kopa saldu ziren. Gainera, baserriko produktuak erosteko aukera ere egon zen plazan ipinitako saltokietan. Aurten, Josune Zabala merkataria eta Zorrizketan euskara elkartea izendatu dira Lezamako txakolinaren enbaxadore.
Asier Dañobeitia sommelierrak aurtengo txakolinaren ezaugarriak eta bikaintasuna goratzeko ardura izan zuen, eta ekitaldia Pedro Mari Goikoetxeak zuzendu zuen. Beste batzuen artean, Ekidazu abesbatzak, Kurutze dantza taldeak eta Arkaitz Estiballes bertsolariek parte hartu zuten goizean antolatutako ekintzetan. Era berean, Broken Izotz taldeak kontzertua egin zen eta umeentzako ekintzak izan ziren. Giro polita izan zen eta Lezamara hurbildutakoak gozatu ahal izan ziren herriko txakolinaz, baserriko produktuaz eta eguraldiaz.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
