Moreak elkarte feministak pregoia irailaren 8an botako duen arren, aurreko egunetan ere jaietan ibiliko dira Lezaman. Legina auzoan, hain zuzen, San Antolin Eguna ospatuko dute irailaren 2an. Egun horretarako antolatu dira meza, kopaua eta mus-txapelketa.
Hurrengo egunean, domekan, Lezamako Mugetatik mendi-martxa eta -lasterketa izango dira. Ohikoa denez, 25 kilometroko ibilbideak eta txikien mendi-martxa egingo dira, baina aurten lehendabiziko aldiz 14 kilometroko lasterketa izango da gazteentzat. Bestalde, irailaren 6an eta 7an futbol-txapelketaren partidak izango dira, eta eguenean, gainera, odolosteak dastatzeko aukera egongo da herriko jatetxeetan eta tabernetan.
Txupinazoak eta pregoiak hasiera emango diete Andra Mari jaiei bariku arratsaldean. Nolanahi ere, goizean izango dira eskolarteko futbol-txapelketa, deiadarra eta gaztetxoentzako kalejira eta tailerrak. Arratsaldean egongo dira kuadrillen jaitsiera, batukada eta elektrotxaranga. Musikak jarraituko du talde eta musikari hauen eskutik: Perro Loco, Ben Yart eta Oinutsik.
Zapatu goizean lehen aldiz egingo da pumptrack erronka, eta umeentzako puzgarriak eta jostailuak ere egongo dira. Herri-bazkaria karpan izango da, eta txartelak irailaren 1era arte eskuratu ahalko dira herriko dendetan eta tabernetan; bazkalostea girotzeko, bingo musikatua egongo da. Era berean, kuadrillen arteko jolasak izango dira arratsaldean, pilota-partidak, euskal dantzen erakustaldia, abesbatzen emanaldia eta kalejira. Gauari musika ipiniko diote Los Zopilotes Txirriaos taldeak, HOFE X 4:40 taldeak eta Rico Rosa Dj-k.
Jaiak zapore onez amaitzeko, paella txapelketa egingo da Bola Lekun, domekan. Mus-txapelketa ere izango da, umeentzako jolasak, txokolatada eta disko-festa.
Irailak 2, zapatua. San Antolin Eguna
Legina auzoan
12:30 Meza.
13:00 Kopaua eta edaria, Zorribike txirrindularitza-elkartearen eskutik.
16:30 Mus txapelketa (20 €, bikoteko).
Irailak 3, domeka. Lezamako Mugetatik
08:00 Mendi-martxa (25 km).
09:30 Mendi-lasterketa (25 km).
10:00 Txikien mendi-martxa.
10:30 Mendi-lasterketa (14 km).
Irailak 6, eguaztena
19:00-21:00 Futbol-txapelketa: kadete-junior eta senior kategorietako 3. eta 4. postuak, Bizia kirol-taldeak antolatua.
Irailak 7, eguena. Odoloste Eguna
19:00-21:00 Futbol-txapelketa: kadete-junior eta senior kategorietako finalak. Bizia kirol-taldeak antolatua.
Odolosteak, herriko jatetxeetan eta tabernetan.
Irailak 8, barikua. Andra Mari Eguna
10:30-14:00 Eskolarteko futbol-txapelketa, Bizia kirol-taldeak antolatua.
11:00 Deiadarra eta umeen kalejira, Lezamako Dultzaineroak taldeak girotua eta Umeentzat Lanean gurasoen elkartearen laguntzarekin.
12:00 Ume eta gazteentzako tailerrak, Umeentzat Lanean gurasoen elkarteak antolatua.
12:30 Meza.
18:30 Kuadrillen jaitsiera. Gaia: Hamarkadak.
19:30 Txupinazoa eta pregoia, Moreak talde feministaren eskutik. Ostean, Burrunbadie batukada-taldea.
20:15 Elektrokela elektrotxaranga.
22:30 Futbol-txapelketaren sariak banatzea.
23:00 Perro Loco.
00:30 Ben Yart.
02:00 Erromeria: Oinutsik.
04:00-06:30 Txosnako musika.
Irailak 9, zapatua
11:00 Deiadarra.
11:00 Lezamako I. Pumptrack Erronka, Zorribike txirrindularitza-elkarteak antolatua.
11:30-14:30 Puzgarriak, umeentzako ludoteka, eta ur-irristagailua.
12:30 Meza.
13:00 Kopaua eta bingoa, Adintsuen Elkartean.
15:00 Herri-bazkaria, karpan.
Ostean, bingo musikatua, Zorrizketan euskara-elkarteak antolatua.
17:30 Kuadrillen jolasak.
18:00 Pilota-partidak, frontoian.
18:30 Euskal dantzen erakustaldia, Kurutze dantza-taldeak antolatua.
19:30 Abesbatzen emanaldia, elizan: Ekidazu eta Bilbotxeros.
20:00 Txosnak zabaltzea.
21:30 Kalejira: Arabiar Gauak.
23:00 Los Zopilotes Txirriaos.
02:30 HOFE X 4:40.
03:45 Rico Rosa Dj.
05:45-06:30 Txosnako musika.
Irailak 10, domeka. Bola Lekuko jaiak
11:30 Deiadarra.
12:00 Paella txapelketan izena ematea.
16:30 Mus-txapelketa (20 €, bikoteko).
17:00 Umeentzako jolasak.
18:00 Txokolatada, Bolaleku tabernaren eskutik.
19:30-22:00 Disko-festa.