Lezamako Udalak joskintzan eta jantzigintzan hasteko tailerra antolatu du datorren urterako. Helduentzako tailerra da eta helburuak dira, besteak beste, eskuz zein josteko makina erabilita joskintza-teknika ikastea eta psikomotrizitatea hobetzea. Horretarako, oinarrizko teknikak ikasiko dira, oihalak nola prestatu, eta ehungintzan dauden azken joerak. Ikastaroa urtarrilaren 10ean hasiko da eta eguaztenetan egingo da, 19:00etatik 21:00etara, udal-soto berrietan. Izena ematea abenduaren 15era arte egin daiteke udal-liburutegian. Gehienez hamar lagunentzako ikastaroa da eta, beharrezkoa izanez gero, zozketa egingo da.