Lehenengo fasea amaituta, hauek dira bideragarritzat jo diren egitasmoak: oinezkoentzako pasabideen ikuspena hobetzea Athleticen errepide orokorraren eta instalazioen arteko elkargunean, eta sagardotegirako eta Goikobarrio alderako bideko argiak hobetzea (15.000 euro); Enaitz tabernatik ludotekara zebrabidea jartzea (4.000 euro); trenera igotzeko biribilgunean zebrabidea jartzea (15.000 euro); Pumptrackean argiak ipintzea (21.000 euro); bidegurutzeetan kartelak jartzea auzoen izenekin eta etxebizitzen zenbakiekin (30.000 euro); Ankene baserriko igoerako hesia konpontzea (1.800 euro); txakurren aisialdirako gunea sortzea (20.260 euro); Hilario Astorki plazako pergolari teilatua jartzea (17.000 euro); Gaztelekuentzako materiala (4.500 euro); eskultura bat jartzea, Lezamako emakume bendejeren lana aitortzeko (20.000 euro); rokodromo bat sortzea 3 eta 10 urte bitartekoentzat (4.000 euro); saski batzuk gehitzea Gurutzeko futbol-zelaian (6.000 euro); eta eserlekuak jartzea herriko hainbat tokitan (7.100 euro).
Lezamarrek zenbait bide izango dute eskura, botoa emateko. Horrela, botoa liburutegiko hautestontzian sartu ahalko dute, edo hurrengo leku hauetan ipinitako postontzietan: Iruris, udaletxea, Aretxaldeko geltokia, Gurutze auzoa, Bolaleku eta Goitioltzako txokoa. Gainera, urtarrilaren 26an, pertsona bat ibiliko da auzoetatik 11:00etatik 14:00etara eta 17:00etatik 20:00etara. Era berean, botoa lezama.eus webgunearen bidez ere eman daiteke. Bozketan Lezaman erroldatutako 16 urtetik gorako edozein pertsonak har dezake parte. Bozketan behin bakarrik hartu ahalko da parte.