900 kopa saldu ziren Lezamako Txakolinaren Egunean

Atzo, ekainak 2, Txakolinaren Eguna ospatu zen Lezaman. Aurten 21. edizioa bete da, eta eguraldia lagun, jendetza hurbildu zen plazara, herriko lau upategietako txakolina dastatzera: Basalbeiti, Erdikoetxe, Garkalde eta Magalarte. Udalak jakinarazi moduan, guztira 900 kopa saldu ziren. Txakolina ez ezik, 0 kilometroko eta kalitate handiko baserriko produktuak ere dastatzeko eta erosteko aukera egon zen, eta egunean zehar hainbat ekintza izan ziren, hala nola kortxoa kentzea, bertso-saioa, umeentzako tailerrak eta Oxabi taldearen emanaldia. Bestalde, aurten Lezama Sport futbol-taldea eta Ikusgarri Txokoa izendatuko dira enbaxadore.